ქართული სატელევიზიო სივრცის შეფუთვა

სატელევიზიო სივრცეში არსებულმა კონკურენციამ, ტელევიზები ბრენდინგის დახვეწის აუცილებელობის წინაშე დააყენა. გარდა იმისა, რომ კონკრტული ლოგო კონკრეტულ არხთან უნდა ასოცირდებოდეს, იმ მოლოდინის განწყობასაც უნდა ქმნიდეს რა დაპირებასაც არხი იძლევა. ბრენდის შექმნა კომპანიის მენეჯმენტისა და მარკეტინგის პროცესის სწორი წარმართვის საწინდარია. ამიტომ მარკეტინგის მენეჯერებმა აქტიური ფიქრი დაიწყეს იმაზე, თუ როგორ შეიძლება ტელევიზიის შეფუთვა ისე, რომ ის მაყურებლისთვის მისაღები იყოს, სხვა ტელევიზიებს ღირსეული კონკურენცია გაუწიოს და არხის მსოფლმხედველობასაც შეესაბამებოდეს. გამოსავალი კი, გადაცემის შინაარსის, შეფუთვისა და პრომოუიშენის ერთობლივ ჯაჭვშია.

”პირველი არხის” ლოგო გერმანიაში შეიქმნა. გერმანული კომპანიის მიზანი იყო გაეკეთებინა რაღაც ახალი, ქართული მედიასივრცისთვის უცხო. ამიტომ გადაწყდა – ლოგო ვარდისფერი ყოფილიყო. ეს ფერი, მანმადე მედიასაშუალებებს არ გამოუყენებიათ. ლოგოს შეცვლის შემდეგ, არხის შეფუთვაც მთლიანად შეიცვალა. სატელევიზიო შეფუთვებს ახლა უკვე არხი დამოუკიდებლად აკეთებს.

”რუსთავი2” – ის ფერები 1994 წლიდან დღემდე არ შეცვლილა, ლოგო კი დროთა განმავლობაში იცვლებოდა.

რაც შეეხება იმედს, 2009 წლის აგვისტოდან ტელეკომპანიაში მარკეტინგის ახალმა გუნდმა დაიწყო მუშაობა. შესაბამისად, არხის ბრენდი ხელახლა ჩამოყალიბდა. უცვლელი დარჩა მხოლოდ სახელი და რამდენიმე დეტალი.

თავდაპირველად, ბრენდი ნიშანთან ან ლოგოტიპთან ასოცირდებოდა. დროთა განმავლობაში მასზე წარმოდგენა შეიცვალა. ბრენდი არ არის ლოგო, სარეკლამო განცხადება და არც თავად პროდუქტი. ბრენდი მოცემულ პროდუქტზე მომხმარებლის შთაბეჭდილებების კრებულია. მომხმარებლის ცნობიერებაში ის გარკვეულწილად პროდუქტის იარლიყია. ბრენდი განასხვავებს მსგავს პროდუქტებს, ახდენს პროდუქტის ღირსებების ფორმულირებას და მომხმარებელს პროდუქტის მიმართ დამოკიდებულების გარკვევაში ეხმარება.

ის ადამიანები, ვინც ამ საქმის პროფესიონალები არიან, მიიჩნევენ, რომ საქართველოს სატელევიზიო სივრცეში ამ მხრივ სახარბიელო მდგომარეობა არაა.

ილიას უნივერსიტეტის მედია-მენეჯმენტის ლექტორი ირინა ჭელიძე ამბობს, რომ საქართველოს ტელესივრცეში არცერთი არხი ინოვაციური არაა. მას სატელევიზიო შეფუთვის მთავარ პრობლემად გადცემების შინაარსისა და პრომოუშენის ერთმანეთთან შეუთავსებლობა მიაჩნია.

”ხშირად გადცემის შეფუთვა შეუსაბამოა მის შინაარსთან. მაგალითად, ”პირველ არხზე” გადაცემა – ”დიალოგი დავით პაიჭაძესთან”. ამ გადცემის ფერები და სტუდიის ფორმა აბსოლუტურად განსხვავდება მისი შინაარსისგან. სივრცის ფორმა გადაცემას ირიალურობის ეფექტს სძენს, მაშინ როცა ეს თოქშოუ პოლიტიკურია და პირდაპირ ეთერში გადაიცემა. ”იმედის” შემთხვევაში შეგვიძლია გავნიხილოთ ”ჟურნალისტის დღიური”. მასში ჟურნალისტის მიერ ნაამბობი ერთი კონკრეტული ისტორიაა ასახული, ფონად კი, სრულიად შეუსაბამო არქიტექტურული დეტალები ადევს”, _ აღნიშნავს ირინა ჭელიძე.

ამის საპასუხოდ “პირველი არხის” მხატვარ-დიზაინერი ნინო წულაია აცხადებს, რომ ”პირველი არხი” სტუდიების შეფუთვას სხვა კომპანიებს უკვეთავს. შემოთავაზებული ვერსიებიდან კი საუკეთესოს არჩევს. მისი თქმით, ამ პრინციპით მოხდა გადაცემა “დილოგი დავით პაიჭაძესთან” შეფუთვაც.

ირინა ჭელიძეს მიაჩნია, რომ ”პირველ არხს” ფერებიც არსწორად აქვს შერჩეული. მისი თქმით, ფერთა კოცეფციის მიხედვით ვარდისფერი არასერიოზულობის, ღალატის და არასტაბილურობის ფერია.

“პირველი არხის” მარკეტინგის სამსახურის უფროსი ლაშა კიკალიშვილის თქმით კი, ვარდისფერი მრავალფეროვნების საშუალებას იძლევა.

”ეს ფერი გერმანულმა კომპანიამ, იმის გამო შეარჩია, რომ ბევრი ვარიაციის შესაძლებლობას იძლევა. მისი გარდასახვა ხდება ღია ნაცრისფერიდან იასამნისფერამდე. ამიტომ არხი ერთფეროვანი არ არის”, – განმარტავს კიკალიშვილი.

მაყურებლმა ”იმედის” განახლებული ეთერის ძველი სერიალებით დაწყებაც უარყოფითად აღიქვა.

ამ გადაწყვეტილების მიღების მიზეზად, ტელევიზიაში მაყურებელთა მოთხოვნას ასახელებენ.

“იმედის” მენეჯმენტი მაყურებელთან ცხელი ხაზის საშუალებით ურთიერთობს. მიღებული ზარებით გადაწყდა, რომ განახლებული საეთერო სეზონი ძველი სერიალების გამეორებით დაწყებულიყო”, – აღნიშნა “იმედის” მარკეტინგის სამსახურის უფროსმა დევი გვახარიამ.

ირინა ჭელიძე კონკურენტი არხების ერთმანეთთან მსგავსებაზეც ამახვილებს ყურადღებას:

”მედიაბრენდი განსხვავდება სხვა სახის ბრენდებისაგან და იგი კვირიდან კვირამდე 24 საათის განმავლობაში დინამიურად სიახლეებსა და ორიგინალურობაზე უნდა იყოს ორიენტირებული. ამ არხებს კი, მკაფიოდ ჩამოყალიბებული დაპირებაც არ აქვთ. პირველ არხის დაპირებაა – “არხი განწყობისთვის”, განწყობა ძალიან ფართო ცნებაა, ამიტომ კონკრეტიზაცია აკლია (რა ტიპის განწყოვაზეა საუბარი?). რაც შეეხება “იმედის” დაპირებას, “ახალი იმედი” ნაკლებაადაა აქცენტირებული. ”რუსთავი 2”-ს მესიჯი, არ გააჩნია”.

დევი გვახარიას გნამრტებით, ”იმედი” კონკურენტი არხებისგან მხოლოდ შეფუთვითა და ლოგოთი არ განსხვავდება. ის აცხადებს, რომ მათი გადაცემები დინამიურ განვითარებაზეა ორიენტირებული.

”არხის ბრენდი მუდმივად განახლებადია, მარამ რადიკალური ცვლილებები არ კეთდება. ჩვენ არ ვგავართ რომელიმე არხს, ხშირად პირველებს გვიწევს ისეთი გადაცებებისა თუ პრომო რგოლების დამზადება, რაც ქართული სივრცისთვის უცხოა”, – აცხადებს ”რუსთავი 2-ის” მარკეტინგის სამსახურის ხელმძღვანელი გეგა ფალავანდიშვილი.

ირინა ჭელიძეს კი მიაჩნია, რომ ”პირველ არხსა” და ”იმედისგან” განსხვავებით “რუისთავი 2”-ს ბრენდინგის თვალსაზრისით უკეთესი მდგომარეობა აქვს, თუმცა ტელევიზია ძველი ინერციას მიჰყვება და მაყურებელს ახლას ვერაფერს სთავაზობს.

იმედის ინოვაციურობის ხელის შემშლელად კი, მოდელირებულ ქრონიკას ასახელებს, რამაც ტელევიზიას მაყურებლებში ნდობა დაუკარგა და იმიჯიც შეულახა.

სამომავლო გეგმებს რაც შეეხება:

რამდენიმე თვეში იგეგმება “პირველი არხის” ბრენდის ფერის ცვლილება, განახლდება ტიხრები, გრაფიკა და სხვა შესაფუთი დეტალებიც. “რუსთავი 2” მომავალი სეზონიდან ახალი გადცემების დაწყებას გეგმავს, იმედი კი ქართული ტელესივრცისთვის ახალი პროქტების მორგებას შეეცდება.

ყველაფრის მიუხედავად, ირინა ჭელიძე არხების განვითარებვისთვის აუცილებელ პირობად მათი მენეჯმენტის შეცვლას მიიჩნევს. სატელევიზიო სივრცე

გელა ბოჩიკაშვილი

This entry was posted in საზოგადოება. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s